Íslendingar á Spáni geta upplifað fallegan almyrkva skömmu fyrir sólsetur
Íslendingar á Spáni þann 12. ágúst 2026 geta séð fallegan almyrkva síðdegis. Búast má við talsverðum fjölda fólks innan í almyrkvaslóðinni því margir myrkvaunnendur ætla að leggja leið sína til Spánar, sér í lagi því meiri líkur eru á björtu veðri þar en á Íslandi. Enginn veit þó vitaskuld hvernig viðrar fyrr en samdægurs.
Þau sem hyggjast leggja leið sinn inn í almyrkvaslóðina ættu að:
Madrid liggur rétt utan við suðurmörk almyrkvaslóðarinnar. Í miðborg Madrid sést 99,9% deildarmyrkvi kl. 20:32:26 á staðartíma. Flugvellirnir í Madrid og nyrstu hverfin í útjaðri borgarinnar eru rétt innan við slóðina og sjá almyrkva í nokkrar sekúndur.
Hér mæli ég með því að fólk í Madrid aki hálfa leið í átt að Zaragoza. Í Zaragoza sést almyrkvi í 1m 25s.
Deildarmyrkvi í Madrid (miðborg)
Alskuggi tunglsins gengur þvert yfir Íberíuskagann og lækkar sólin á himni þegar líður að kvöldi. Skugginn nær að Miðjarðarhafsströndinni kl. 20:31 að staðartíma og í stærstu borginni þar, Valencia, sést almyrkvi í um það bil 1 mínútu en það fer eftir því hvar innan borgarinnar þú ert.
Á Alicante og Benidorm svæðinu sést 99% deildarmyrkvi. Íslendingar sem þar eru staddir ættu hiklaust að leggja leið sinn í almyrkvaslóðina, annað hvort til Valencia eða Castellón de la Plana þar sem almyrkvinn sést öllu lengur eða í 1m 35s.
Almyrkvi í Valencia
Almyrkvi í Castellon de la Plana
Barcelona er skammt norðan við almyrkvaslóðina. Þaðan sést því 99,8% deildarmyrkvi. Fólk sem þar er statt ætti hiklaust að leggja leið sína til Tarragona þar sem almyrkvi sést í 1m 1s.
Almyrkvi í Tarragona
Alskugginn liggur yfir Beleareyjarnar Ibiza, Mallorca og Menorca. Miðja skuggans liggur yfir Mallorca þar sem myrkvinn er lengstur af eyjunum þremur.
Sólin er aftur á móti mjög lágt á lofti, aðeins 2 gráður. Því þarf að gæta þess vel og vandlega að ekkert byrgi sýn. Eins og sjá má á kortinu hér undir af EclipseAtlas.com er höfuðstaðurinn Palma í skugga af, svo almyrkvinn sést ekki þaðan.
Á Mallorca er ennfremur möguleiki á að síðdegisský byrgi sýn.
Smelltu hvar sem er á kortið til að sjá upplýsingar um stefnu sólar (örin bendir í sólarátt) og nákvæmar tímasetningar. Athugaðu að tímasetningarnar eru á íslenskum tíma svo leggðu +2 klst við þá.
Þú getur stutt við fræðsluverkefni vegna sólmyrkvans með því að kaupa sólmyrkvagleraugu, sólarsíur, sólarsjónauka, sjónauka og annan varning sem nýtist til að skoða sólina í vefversluninni okkar, solmyrkvagleraugu.is.
Sævar Helgi Bragason is an award winning astronomy and science communicator and educator, lecturer, author, TV host and owner and editor of icelandatnight.is and eclipse2026.is.
