Hver er eini þéttbýlisstaður íslands þar sem aldrei hefur orðið almyrkvi?

Að meðaltali líða tæp 400 ár milli almyrkva frá hverjum tilteknum stað í heiminum. Bilið getur þó verið mjög mislangt. Þannig líða 593 ár milli almyrkva í Reykjavík (1433 til 2026) og 1505 ár milli almyrkva á Akureyri (1469 til 2974).

Ef við leggjum allar almyrkvaslóðirnar ofan á Ísland kemur í ljós eitt svæði sem alskuggi tunglsins hefur aldrei snert frá landnámi til ársins 3000.

Svæðið nær frá Esju yfir í Borgarfjörð. Hvanneyri er því eini þéttbýlisstaður landsins sem aldrei hefur fengið almyrkva. 

Seinast varð almyrkvi á þessum slóðum að morgni 23. júlí árið 73. Stóð hann yfir í 1m 34s. Sex árum síðar varð eldgos í Vesúvíusi sem lagði Pompeii og Herculaneum í eyði. 

Vert er að taka fram að almyrkvaslóðin 2026 liggur örlítið vestan við Hvanneyri þegar búið er að leiðrétta fyrir jaðri tunglsins.

Sólmyrkvafróðleikur í aðdraganda almyrkva

Þessi fróðleikur er hluti af röð fróðleiksmola sem birtir verða hvern sunnudag fram að almyrkva 2026 hér og á samfélagsmiðlum.

Viltu styðja við framtakið?

Þú getur stutt við fræðsluverkefni vegna sólmyrkvans með því að kaupa sólmyrkvagleraugu, sólarsíur, sólarsjónauka, sjónauka og annan varning sem nýtist til að skoða sólina í vefversluninni okkar, solmyrkvagleraugu.is.